ဝမ်းဗိုက်ကနေ မစင်စွန့်နေရတဲ့ကလေးငယ်အတွက်ခွဲစိတ်မှု ကုန်ကျစာရိတ်ကို တာဝန်ယူခဲ့တဲ့ ဆုပန်ထွာ

0
75

ဆုပန်ထွာတို့ မိသားစုက ဝမ်းဗိုက်ကနေ မစင်စွန့်နေရတဲ့ မိဘမဲ့ကျောင်းက သမီးလေးအတွက် ခွဲစိတ်မှု ကုန်ကျငွေကို အပြည့်အဝ တာဝန်ယူခဲ့ကြပါတယ်တဲ့။ ဒီ သမီးလေးအတွက် ဆုပန်ထွာကလည်း စိတ်မကောင်းဖြစ်လို့နေပါတယ်။

သရုပ်ဆောင် ဆုပန်ထွာ တို့ မိသားစုဟာ မေလ ၄ ရက်နေ့က YGW ပရဟိတ မိဘမဲ့ကျောင်းမှာ ဗိုက်ကနေဖောက်ပြီး မစင်စွန့်ရတဲ့ ကလေးအတွက် ခွဲစိတ်မှုတွေကို တာဝန်ယူခဲ့တယ်လို့ သိရပါတယ်။

“ဒီနေ့လှူ ဖြစ်တဲ့အလှူလေးပါ။ မန္တလေး YGW ပရဟိတမိဘမဲ့ကျောင်းအသင်း မှာရှိတဲ့ဗိုက်ကနေဖောက်ပြီး မစင်စွန့်ရတဲ့သမီးလေးတစ်ယောက်ကိုသူ ကောင်းသွားအောင်ခွဲစိတ်တဲ့အခါတတ်နိုင်သလောက်လှူဖို့ 2.3.2019 သွားလှူခဲ့ကြတုန်းကတွေ့ပြီး၊ တာဝန်ယူခဲ့ပါတယ်’’ ဆိုပြီးတော့ မေလ ၄ ရက်နေ့ ည ၁၀ နာရီကျော်က သူ့ရဲ့ ဖေ့စ်ဘွတ်မှာ ရေးသားခဲ့ပါတယ်။

ကလေး လေး အပေါ်မှာလည်း ဆုပန်ထွာက အရမ်းကို သနားမိတယ်လို့ ဆိုပါတယ်။ ကျန်းမာရေးကောင်းမွန်တဲ့ သာမန်ကလေးတစ်ယောက် ဖြစ်လာဖို့ကိုလည်း မျှော်လင့်တယ်ဆိုတဲ့ သူမရဲ့ ခံစားချက်တွေကို အခုလို ရင်ဖွင့်ပြောပြထားပါသေးတယ်။

‘’သူ့ကိုကြည့်တော့ အသားလေးကဖြူဖွေးလို့၊မျက်နှာလေးကလည်း ချောမှချော ရင်ထဲသူ့ကြည့်ပြီးသနားလွန်းလို့ ဒီမိဘမဲ့ကျောင်းကိုဘယ်လိုရောက်လာလည်း သူ့အကြောင်းလေးတွေအကုန်မေး၊ သူ့ကိုသာမာန်လူတွေလို ဘယ်လိုပြန်လုပ်ပေးရင်ရမလဲ။ ဘုန်းဘုန်းကိုလျောက်တော့ သူခံနိုင်ရည်ရှိပြီးခွဲစိတ်နိုင်တဲ့အခါ သာမာန်လူတွေလိုလုပ်ပေးလို့ရတယ်ဆိုတော့ ” ဒါဆို သူ့ကိုလုပ်ပေးပါဘုရား တပည့်တော်မတို့မိသားစု ကနေတတ်နိုင်သလောက်တာဝန်ယူပါ့မယ် ပြောခဲ့တာမို့ အခုသူခွဲစိတ်တဲ့အခါ

အစစအရာရာဘုန်းဘုန်းပြောတဲ့ ကုန်ကျစရိတ်တွေလှမ်းလှူ ဖြစ်ပါတယ်။အနားမှာ ကလေးကိုသေချာလုပ်ပေးနိုင်ချင်ပေမယ့်အဝေးကပဲတတ်နိုင်သလောက်လေးကူဖြစ်ပါတယ်’’ လို့လည်း ဆက်လက်ပြောပြလာပါတယ်။

ကိုဥက္ကာကျော်နဲ့ ဆုပန်ထွာတို့ ဇနီးမောင်နှံဟာ ကုသိုလ်ရေးနဲ့ ပတ်သက်လာရင် လက်မနှေးသူတွေဖြစ်ကြပါတယ်။ ဘာသာတရားလည်း အရမ်းကို လေးလေးနက်နက် လုပ်ဆောင်ကြသူတွေပါ။ သူတို့ ဇနီးမောင်နှံဟာ ၂၀၁၅ ခုနှစ် ဖေဖော်ဝါရီလ ၁၄ ရက်နေ့ က အမေရိကန်နိုင်ငံ Santa Monica ကမ်းခြေမှာ မင်္ဂလာပွဲပြုလုပ်ခဲ့တာဖြစ်ပါတယ်။ အခုဆိုရင်တော့ မင်္ဂလာသက်တမ်း ၄ နှစ်ကျော်လာပါပြီ။ အဲဒီနောက် ၂၀၁၆ ခုနှစ်အတွက်မှာ သားလေး Roar Roar Kyaw လေးကို ပိုင်ဆိုင်ခဲ့တာဖြစ်ပါတယ်။ အခုဆိုရင်တော့ ကြည်နူးပျော်ရွှင်စရာကောင်းတဲ့ မိသားစုဘဝလေးကို ပိုင်ဆိုင်ထားကြပါတယ်။

ဆုပန်ထွာ(Su Pan Htwar) ကိုတော့ တီဗီကြော်ငြာ၊ ရုပ်ရှင်ဇာတ်ကား၊ ဗီဒီယိုဇာတ်ကား နဲ့ မဂ္ဂဇင်း၊ ဂျာနယ် မျက်နှာဖုံး ပိုင်ရှင်တစ်ဦးအဖြစ် ပရိသတ်တွေ စတင်အားပေးခဲ့ကြတာဖြစ်ပါတယ်။ သူမဟာ သရုပ်ဆောင်ဘက်မှာသာမက ဂီတဘက်မှာလည်း ‘’သလောက်အောင် ချစ်တယ်’’ ဆိုိတဲ့ တစ်ကိုယ်တော်အခွေကို ၂၀၁၆ ခုနှစ်မှာ ထွက်ရှိခဲ့ပါတယ်။ အခုဆိုရင်တော့ ဂီတဖျော်ဖြေပွဲတွေမှာ ပါဝင်သီဆိုနေရသူတစ်ဦး ဖြစ်ပါတယ်။ crd