ဇာတ်ပို့ဇာတ်ရံဝင်ငွေလေးနဲ့ သားကိုဆရာဝန်ဖြစ်အောင် ပံ့ပိုးပေးခဲ့တဲ့ ဇာတ်ပို့ ဒေါ်သန်းသန်းဆင့်

0
15

ဇာတ်ပို့ဇာတ်ရံဝင်ငွေလေးနဲ့ သားကိုဆရာဝန်ဖြစ်အောင် ပံ့ပိုးပေးခဲ့တဲ့ ဇာတ်ပို့ ဒေါ်သန်းသန်းဆင့်

အနုပညာလောကမှာ ခြေချနေတာ ဆယ်စုနှစ်တွေကြာနေပြီဖြစ်တဲ့ ဇာတ်ပို့သရုပ်ဆောင် ဒေါ်သန်းသန်းဆင့်ကိုတော့ မြန်မာ့ရုပ်ရှင်တော်တော်များများမှာ တွေ့ဖူးကြမှာပါ။ ဒေါ်သန်းသန်းဆင့်ကတော့ ရုပ်ရှင်တော်တော်များများမှာလည်း ကျရာဇာတ်ရုပ်မှာ ပါဝင်သရုပ်ဆောင်နိုင်သလို အောင်မြင်တဲ့ ဇာတ်ပို့သရုပ်ဆောင် တယောက်လည်း ဖြစ်ပါတယ်။ ဒါပေမယ့်လည်း သူ့အနေနဲ့ သူ့မိသားစုအတွက် ရုန်းကန်ခဲ့ရပြီး သူ့သားကြီးကိုလည်း ဇာတ်ပို့ဇာတ်ရံဝင်ငွေလေးနဲ့ ဆရာဝန်တယောက်ဖြစ်အောင် ပြုစုပျိုးထောင်ပေးခဲ့ရတဲ့ အကြောင်းကို ပြောကြားသွားခဲ့ပါတယ်။

ဇာတ်ပို့သရုပ်ဆောင် ဖြစ်တဲ့ ဒေါ်သန်းသန်းဆင့်ကတော့ MC နဲ့ အင်တာဗျူးမှာတော့ “ရှင်းရှင်းပြောရရင်တေ့ာ သရုပ်ဆောင်အလုပ်က ပင်စင်မရှိဘူးသားရယ်။ အမေတို့ ရိုက်မှ ပိုက်ဆံရမှာ မရိုက်ရင် ပိုက်ဆံမရဘူး။ ဖျားရင်လည်း ကုနိုင်တဲ့သူက ကုပေါ့။ မကုနိုင်ရင်တော့ သူများတွေ အလှူရှင်တွေ လာကြတာပေါ့။ အမေတခုခုဖြစ်လို့ရှိရင်တော့ အမေ့သားက ဆရာဝန် မန္တလေးမှာရှိတယ်။ အမေ့ကို ကုပေးမှာ။

သား နှစ်ယောက်ရှိပါတယ်။ သားငယ်လေးကတော့ ကာစီနိုမှာလုပ်ပါတယ်။ မလေးရှားမှာ။ သားကြီးကတော့ ဆရာဝန်ပါ”သားကိုဆရာဝန်ဖြစ်အောင် ဘယ်လိုမျိုး ရုန်းကန်ခဲ့ရလဲဆိုတဲ့အပေါ်မှာတော့ “အမေ့အမျိုးသားကလည်း အသက်ကြီးကြီးယူထားတာဆိုတော့ အစိုးရ လစာလေးနဲ့ပေါ့။ အမေက ကားရိုက်တဲ့ပိုက်ဆံလေးနဲ့ ဆရာဝန်ဖြစ်အောင်ထားခဲ့တာ။ အမေတို့ကတော့ ဘယ်လိုရှာရှာလေ။ ကိုယ့်သားသမီးလေးတွေကိုတော့ ပင်ပင်ပန်းပန်းမဖြစ်စေချင်ဘူးလေ။ အမေတို့က ချိုးခြံချွေတာပြီးတော့ ဆရာဝန်ဖြစ်အောင်ထားတယ်။ အခုကတော့ သားလေးက ဆရာဝန်ဖြစ်နေပြီဖြစ်တာကြောင့် အမေ့ကိုပြန်ရှာကျွေးကျွေးမကျွေးကျွေး ပီတိဖြစ်ပါတယ်”

“သားကြီး ဆယ်တန်းအောင်တော့ အဲ့ခေတ်တုန်းက ပံ့ပိုးပေးတာတွေ မရှိဘူး။ အမေကပဲ ရှာရတာပါ။ ဆေးစာအုပ်လေးတွေ ဘာလေးတွေ စုဆောင်းပြီးတော့ ဝယ်ပြီးတော့ နှစ်ယောက်သုံးယောက်ပေါင်းပြီး လုပ်ရတာပေါ့။ သားကြီးကလည်း အမေ့ကို ဘယ်တော့မှ မပူဆာပါဘူး။ အမေကလည်း သားဆရာဝန်ဖြစ်ပေမယ့် သားကြီးသည် ဆရာဝန်ပါဆိုပြီး လိုက်မပြောနေဘူး။ ကိုယ့်ဘာကိုယ်နေတာပါ။ ဘယ်သူ့ကိုမှ မပြောပါဘူး။ ခုမှသာ ပြောမိတာပါ။ အမေ့ရဲ့ ဇာတ်ပို့ဇာတ်ရံ ဝင်ငွေလေးနဲ့ သားတယောက်ကို ဆရာဝန်ဖြစ်အောင် ထားခဲ့တဲ့ ပီတိလေးကဘာမှ ပြောလို့မရပါဘူး

“သူမန္တလေးမှာ ဆေးခန်းဖွင့်ထားပါတယ်။ သားကိုယ်တိုင်ကလည်း အသပြာဆရာဝန် မဟုတ်ပါဘူး။ လူနာတွေလာရင် ပိုက်ဆံအများကြီး မယူပါဘူး။ သူ့ရဲ့စေတနာတွေ လူနာတွေပေါ်မှာ ပြန်ထားတာ ပီတိဖြစ်ပါတယ်။ ဒါကလည်း လှူခြင်းတမျိုးပေါ့”

“သားဆေးကျောင်းတတ်နေတဲ့အချိန်တွေမှာ အမျိုးသားဝင်ငွေနဲ့ မလုံလောက်ဘူး။ အဲ့အချိန်မှာ အမေက ဘာလုပ်ရလည်းဆိုတော့ မင်္ဂလာဈေးက အထည်ဆိုင်တွေမှာ ဝင်လုပ်ရပါတယ်။ ဒါပေမယ့်လည်း သားကြီးကို မသိစေချင်ဘူး။ အိမ်မှာလည်း ကုန်စုံဆိုင်တွေ ဖွင့်ဖူးပါတယ်။ ဒါပေမယ့် သားကြီး အဲ့ကိစ္စတွေကိုလည်း မသိပါဘူး။ သူ့လမ်းကြောင်းလေးပေါ်ကို လျှောက်နိုင်တော့ စိတ်ချရပါပြီ။ သားလေးရဲ့ ဆေးခန်းကတော့ လမ်း ၆၀ ဂရုဏာဆေးခန်း ဒေါက်တာ သန်းထိုက်အောင်ပါ” ဟု ပြောကြားသွား ခဲ့ပါတယ်။

မှတ်ချက်။ ။ Nanmalgyi Website မှ ခွင့်ပြုချက်ဖြင့် ကူးယူဖော်ပြပါသည်။

ApannPyay

credit