အုပ်စုဖွဲ့ မုဒိန်းကျင့် အသတ်ခံခဲ့ရသည်ဆိုသည့် မိန်းကလေးငယ်(မြမြ) နောက်ဆက်တွဲ

0
821

တောင်ဒဂုံလိုင်စင်ရုံးအနီးနားတွင် အုပ်စုဖွဲ့ မုဒိန်းကျင့် အသတ်ခံခဲ့ရသည်ဆိုသည့် မိန်းကလေးငယ်(မြမြ)က၀င်ပူး ၍ပြောသည်ဆိုသည့်ဗီဒီယိုလူမှုကွန်ယက်တွင်ပျံ့နှံ့

အဆိုပါဖြစ်စဉ်မရှိဟု တောင်ဒဂုံ ရဲစခန်းမှ ဖြေကြားထား

ရန်ကုန်တိုင်းဒေသကြီးတောင်ဒဂုံမြို့နယ်အတွင်းရှိလိုင်စင်ရုံးအနီးနားအတွင် အုပ်စုဖွဲ့မုဒိန်းကျင့် အသတ်ခံခဲ့ရသည့် မိန်းကလေးငယ်တစ်ဦးက သူမအသတ်ခံခဲ့ရသည့်ဖြစ်စဉ် ဇာတိနှင့် မိဘအမည်များကို အခြားမိန်းကလေးငယ်တစ်ဦးသို့ ၀င်ပူးကာ ပြောကြားခဲ့မှုကို ရိုက်ကူးထားသည့် ရုပ်သံဗီဒီယိုဖိုင်တစ်ခုမှာ Youtube နှင့် လူမှုကွန်ယက်များတွင် ပျံ့နှံ့နေသည်။

အဆိုပါ မိန်းကလေးငယ်မှာ သင်္ကြန်အကြိုနေ့က အသတ်ခံခဲ့ရခြင်းဖြစ်ပြီး နှစ်ဆန်းတစ်ရက်နေ့တွင် ၀င်ပူး၍ ပြောသွား ခြင်းဟုဆိုသည်။ သူမ၀င်ပူး၍ ပြောခဲ့သည့်နေရာတွင် သူမ၏ ရုပ်အလောင်းကို ပြန်ရှာတွေ့ခဲ့သည်ဟုလည်းဆိုသည်။

အသတ်ခံခဲ့ရသည့်မိန်းကလေးငယ်မှာ ဧရာဝတီတိုင်းဒေသကြီးငါးသိုင်းချောင်းမှမြမြဖြစ်ပြီး သူမ၏မိဘများအမည် ( ဦးသာအေးနှင့် ဒေါ်ခင်ကြည်)ကိုလည်းပြောကြားခဲ့ကာ သိပ္ပံပာဖြက်ဖြင့်လိုက်မမီသည့်သဘာဝလွန်ဖြစ်ရပ်ဆန်းအဖြစ် လူမှုကွန်ယက်တွင်ပြောကြားမှုများရှိနေသည်။

အဆိုပါ ဖြစ်စဉ်နှင့်ပတ်သက်၍ အချို့သော လူမှုကွန်ယက်အသုံးပြုသူများကလည်း ၎င်းတို့သိရှိထားသည့် ဖြစ်စဉ်အချို့ကို ၀င်ရောက်မှတ်ချက်ပေးထားကြသည်ကို တွေ့ရသည်။ အဆိုပါ မိန်းကလေးငယ်ကို နှစ်သက်သဘောကျနေသည့် ယောင်္ကျားလေးများရှိနေပြီး နစ်နစ်နာနာပြောကြားခဲ့သည့် အတွက် အဆိုပါယောင်္ကျားလေးများက “တစ်နေ့ နင်တွေ့ မယ်”ဟု ကြိမ်းဝါးခဲ့မှုများရှိခဲ့ကြောင်းလည်း လူမှုကွန်ယက် အသုံးပြုသူအချို့ က မှတ်ချက်ပေးထားကြသည်။ ထို့ အတူ အမှုမှန်ပေါ်ပေါက်ရန်နှင့် တရားခံအမြန်ဆုံးမိရန် မှတ်ချက်ပေးထားသူများလည်း ရှိနေသည်။

ဖြစ်စဉ်ကို အတည်ပြုနိုင်ရေးအတွက် တောင်ဒဂုံရဲစခန်းသို့ The Ladies News က ယနေ့ (ဧပြီ ၂၂ ရက် မွန်းလွဲ ၂နာရီ ၄၂ မိနစ်)တွင်ဆက်သွယ်ခဲ့ရာတွင်တာဝန်ကျရဲအရာရှိတစ် ဦးက

“ဘာမှကို မရှိပါဘူးခင်ဗျာ၊အခုပဲတစ်ဖွဲ့ပြီးတစ်ဖွဲ့မေးနေလို့ဖြေနေရတယ်”ဟု ပြန်လည်ဖြေကြားခဲ့သည်။….. Credit – TheLadiesNews